Wied iż-Żurrieq ma' jagħmilx parti mil-lokalita' taż-Żurrieq iżda jagħmel parti mir-raħal viċin tal-Qrendi.  Madankollu, dan il-post dejjem kellu rabta qawwija maż-Żrieraq kemm bħala l-post favorit tagħhom għall-għawm u għall-passatemp tas-sajd, kif ukoll bħala post minn fejn ħafna Żrieraq, speċjalment minn Nigret, kienu jaqilgħu l-għixien tagħhom mis-sajd.  Fuq kollox l-isem ta' dan il-post jixhed ir-rabta speċjali li għandu maż-Żurrieq.

Dawn ir-ritratti interessanti gew meħuda mil-website tal-Iscouts tal-Qrendi u għalhekk ta' min jirringrazzjhom. Din il-website www.qrendiscouts.org  fiha aktar ritratti antiki speċjalment tal-Qrendi u nistednukom li zzuruha. Aħna żguri li dawn ir-ritratti li ġejjin huma ta' interess kbir kemm għaż-Żrieraq kif ukoll għal dawk li jinteresshom kif kienet Malta ta' l-imgħoddi.